Mipalit og tiket aron makasensiyo, midaog nuon
CEBU, Philippines – Usa ka lumad nga taga Massachusetts ang gisuwerte sa wala damha nga pamaagi. Kini kay naahat siya pagpalit og duha ka tiket sa lotto aron lang masensiyoan ang iyang tibuok $100, apan naunsa’ng pagkahitaboa nga nidaog man hinuon siya og $10 milyones.
Ang mga opisyal sa Lotto, mianunsiyo nga sila si Richard Noll ug ang iyang kapikas maoy mikubra sa premyo didto sa ilang buhatan sa Braintree. Gipili ni Knoll ang one-time payment nga $6.5 milyones sa iyang premyo nga kinuhaan na og buhis.
Si Noll nagkanayon nga gusto lang unta niya’ng pasensiyoan ang iyang $100 bill aron makapalit og paniudto sa usa ka sandwich shop mao nga nipalit siya og duha ka Platinum Millions" instant ticket didto sa Lanzilli Groceria sa East Boston nga nagkantidad og $20 matag usa.
Ang maong tindahan nakadawat og $50 mil bonus sa pagbaligya sa maong winning ticket.
Nagkanayon si Noll nga gikan sa iyang daog, gusto siya nga mopalit og balay, mosud og negosyo ug dad-on ang iyang apo sa Walt Disney World. (BANAT NEWS)
- Latest
