Ex-con gipusil patay
CEBU, Philippines - Patay ang usa ka ex-convict human gipusil sa wala mailhing gunman sa Purok 2, Talavera, dakbayan sa Toledo kagahapon sa buntag.
Ang biktima naila nga si Romulo Sejuela, 32, ulitawo ug nagpuyo sa maong lugar.
Sumala pa ni PO2 Carlo Barluado, desk officer sa Toledo City Police, nga napriso na kaniadto ang biktima gumikan sa kaso’ng frustrated murder. Pasado alas 8 sa buntag nadungog sa mga residente ang buto-buto sa armas ug pipila ka minutos nakit-an na lang si Sejuela nga nagbuy-od na sa yuta nga naligo sa iyang kaugalingon nga dugo. Narekober sa kapolisan ang lima ka basiyo sa .45 caliber pistol ug ang biktima dunay usa ka igo sa likod nga nilapos sa dughan. Si Barluado nagduda nga posible’ng nagginukdanay pa ang biktima ug ang gunman ug wala naigo sa una’ng pagpamusil.
Wala’y nakakita sa posible’ng gunman sa krimen kay mingaw ang lugar nga nahitaboan. (BANAT NEWS)
- Latest
