Subangdaku apiki sa LTO-Mandaue

CEBU, Philippines -  Makasinati og suliran sa trapiko ang barangay Subangdaku, dakbayan sa Mandaue sa higayon nga mabalhin na sa Motor Vehicle Inspection Service (MVIS) building ang district office sa Land Transportation Office (LTO) gikan sa barangay Looc.

Si  Subangdaku barangay kapitan Ernie Manatad sa iyang pamahayag niingon nga apiki kaayo ang maong lugar alang sa mga magparehistro sa ilang sakyanan ug kadtong mokuha og lisensiya sa pagmaneho.

Hinuon matud ni Manatad nga makaayo kini sa ilang barangay ug makahatag og dugang economic activity.

Dugang ni Manatad nga mohimo sila og pagpangandam sa paghatag og tukmang kasulbaran sa napanglantawan nga suliran.

Plano ni Mayor Jonas Cortes nga mahimong extention sa Mandaue City Jail ang mabakante nga luna sa LTO sa barangay Looc nunot sa kahuot na sa bilanggoan.  (BANAT NEWS)