“John Pratts” gipusil patay
CEBU, Philippines - Patay na nga napalgan ang usa ka truck helper nga may samad pinusilan sa ulo diha sa sulod sa truck sa Barangay Valladolid sa dakbayan sa Carcar.
Ang namatay naila lang nga alyas “John Pratts” (dili ang artista).
Base sa imbestigasyon sa kapolisan nga ang driver sa truck nga si Gerry Navarro, 44, padulong mag-check unta sa iyang truck apan nakugang na lang siya pagkakita sa iyang truck boy nga naghigda sa driver’s seat ug wala nay kinabuhi.
Nabantayan ni Navarro nga may samad pinusilan sa ulo ang biktima maong nangayo siya og tabang sa mga polis. Ang mga polis daling midala sa biktima sa Cebu Provincial Hospital sa dakbayan sa Carcar apan patay na kini.
Wala pa matino sa kapolisan kun kinsa ang responsable sa pagpatay sa biktima ug kun unsay motibo niini. (BANAT NEWS)
- Latest
