13 mil na-stranded sa bagyong Amang
CEBU, Philippines – Kapin sa 13,000 ka tawo ang na-stranded ngadto sa mga pantalan sa Quezon Province kagahapon sa udto tungod sa bagyong Amang.
Gawas niini 46 ka barko, 23 ka motor banca ug 675 ka rolling cargoes ang gikanselar ang mga biyahe sumala pa sa GMA News.tv.
Samtang kapin usab sa dos mil ka pamilya sa Bicol ug Eastern Visayas ang gipabakwit gikan sa ilang mga balay tungod sa dautang panahon dala sa bagyong Amang.
Mikabat sa 2,067 ka pamilya usab ang gibakwit sa Catanduanes, Sorsogon, Leyte, Biliran, Eastern Samar ug Samar. Kagahapon sa alas-8 sa buntag kapin sa 2,000 ka pilgrims ang mibiyahe paingon sa Manila aron motan-aw sa Santo Papa apan nanga-stranded sa pantalan.
Subay niini unom ka lungsod sa Quezon ang nawagtangan og kuryente kagahapon tungod sa kusog nga uwan ug hangin nga dala sa bagyong Amang.
Base sa report nga ang mga nahisgutang lugar mao ang Alabat, San Andres, Buenavista, Atimonan, Calauag ug Lopez. Karong adlawa gisuspenso ang klase sa tanang level sa Quezon ug Camarines Sur. – /EIM) (BANAT NEWS)
- Latest
