CPDRC inmates mihalad og sayaw kang Pope Francis

CEBU, Philippines - Bisan pa man sa naglagiting nga kainit sa adlaw kagahapon, wala kini panumbalinga sa kapin dos mil ka inmates sa Cebu Provincial Detention and Rehabilitation Center (CPDRC) ang pagsayaw sa ilang espesyal nga halad ngadto kang Pope Francis nga anaa na dinhi sa Pilipinas.

Ang kanta nga “We Are All God’s Children” ang gihatagan og interpretasyon sa 2,070 ka mga inmates. Kun itandi sa mga una nilang mga sayaw, usa ka solemn interpretation nga puno sa paglaom ug pagpasalamat ngadto sa Santo Papa ang ilang pagsayaw.

Matud sa ilang choreographer nga si Vince Rosales dako ang iyang kalipay nga daghan ang nakadayeg sa ilang kahago ug nanghinaot usab kini nga makita kini ni Pope Francis bisan og sa video lang. Daghan ang mitan-aw sa maong pasundayag mapa local man o langyaw, diin usa na niini si Keith Siemenz, usa ka Canadian national, nga miingon nga dili siya magduha-duha og balik sa CPDRC aron lang motan-aw sa pasundayag sa mga inmates tungod kay nalingaw siya.

Apil sa mitan-aw sila si PRO-7 Regional Director Chief Supt. Prudencio Tom Bañas ug ang OIC City Director sa Cebu City Police Office Police Señor Superintendent Conrad Capa, CPPO Provincial Director Police Señor Supt. Noel Gillamac ug ubang opisyal sa kapulisan.  (BANAT NEWS)