Gidunggab sa kanhi kapuyo

CEBU, Philippines - Gidunggab sa kanhi kapuyo ang 32-anyos nga babaye atubangan sa Soong Elementary School sa barangay Mactan, dakbayan sa Lapu-Lapu alas 8 sa gabii niadtong Lunes. Matud ni PO3 Lydo Pinos, imbestigador sa Lapu-Lapu City Police Office-Homicide Section, nga ang biktima mao si Glenda Baco, taga Agus Proper, samtang ang suspek mao si Saveniano Dayondon kinsa kanhi kapuyo sa biktima nga taga sitio Agus Daku. 

Base sa inisyal nga imbestigasyon ni Pinos, nipahibawo si Dayondon sa iyang kapuyo nga kuhaon ang ilang tres anyos nga anak sa tunghaan.

Niabot si Baco sa eskwelahan sa anak  ug dayun niduol sa bata apan kalit nga nikuha og mahait nga hinagiban si Dayondon ug giduslak sa tiyan ang biktima.  Nidagan palayo ang suspek samtang dali’ng gidala si Baco sa Vicente Sotto Memorial Medical Center. (BANAT NEWS)