Digul di na mopapili sa 2016
CEBU, Philippines - Dili na mopapili sunod eleksiyon ang manghud ni Kong. Gerald Anthony “Samsam” Gullas nga si Konsehal Eduardo “Digul” Gullas III sa dakbayan sa Talisay.
Wala hinuon mohatag og rason si Samsam gawas sa pagpadayun sa kolehiyo sa iyang manghud.
Si Digul napili nga konsehal niadtong 2010 sa edad nga 19-anyos samtang nagtungha pa sa kolehiyo.
Gawas ni Digul, matud ni Samsam nga wala na’y lain sa ilang pamilya ang interesado nga mohulip niini.
Ang apohan nga si kanhi kongresista Eduardo “Edigul” Gullas sa sayo pa nipadayag nga mobalik sa pagpapili pagka-mayor sa dakbayan sa Talisay sa 2016.
Si Edigul napilde sa niaging eleksiyon sa pagka-mayor hinuon pito sa 11 ka konsehal sa dakbayan ang gikan sa iyang partido nga Alayon.
Ang giingong huyang nga administrasyon ni Mayor Johnny Delos Reyes ang napanglantawan nga iyang mapildehan sa subli nilang panag-atbang ni Edigul sa 2016. ((BANAT NEWS)
- Latest
