Mandaue naningil na sa buhis sa ihawan sa Cebu City
CEBU, Philippines – Gihatagan og higayun ni Mandaue City Treasurer Regal Oliva ang kagamhanan sa dakbayan sa Sugbo sa pagkuha sa mga gikinahanglang dokumento sa gipadagan niini’ng ihawan sa Mahiga Creek sa barangay Subangdaku.
Matud ni Oliva karon na ang tukma nga buwan sa pagkuha og business permit ug mayor’s permit sa tanang patigayun sa dakbayan nga nalakip sa ihawan sa kagamhanan sa dakbayan sa Sugbo.
Lakip sa gikinahanglan nga kuhoan alang sa maong ihawan ang barangay clearance, application form, environmental compliance certificate ug uban pa.
Gipasabot ni Oliva nga kun nagtinguha nga ma-exempted sa pagbayad og buhis ang dakbayan sa Sugbo, maoy ilang himuon ang pagkuha sa mga dokumento nga magmatuod nga serbisyo sa katawhan ug dili negosyo ang maong ihawan nga ilang gipadagan. – /GMR) (BANAT NEWS)
- Latest
