Nanghagit sinumbagay nadunggaban

CEBU, Philippines -  Gidunggab ang usa ka lalaki sa kontra sa iyang uyoan niadtong Biyernes, alas 9:50 sa gabii sa Sangi Interior, Pajo, dakbayan sa Lapu-Lapu.

Matud sa inisyal nga imbestigasyon ni PO3 Lydo Pinos, imbestigador sa Lapu-Lapu City Police Office, nga usa ka Efren Pepito Jr., 20, ang nadunggaban ni Ronald Ybañez, 30, pareho’ng nagpuyo sa maong lugar.

Si Pinos nagkanayun nga ang uyoan sa biktima nga si Peter Vismar nisugo ni Pepito nga mohagit og sinumbagay ni Ybañez.

Tungod sa kalagot, kalit nga nikuha si Ybañez og mahait nga hinagiban ug dayun duslak sa buko-buko sa biktima.

Si Pepito daling gidala sa Lapu-Lapu City District Hospital samtang nisibat ang suspek. (BANAT NEWS)