Natagak sa bakilid

CEBU, Philippines -  Samtang usa ka V-hire ang natagak sa bakilid sa Barangay Cansumuroy sa Balamban nga miresulta sa pagkaangol sa 19 ka mga sakay niini sa miaging gabii.

Maayong pagkagusbat sa v-hire nga natagak sa bakilid dihang nikabos ang brake niini samtang nagdulhog sa Transcentral Highway.

Ang mga naangol naglakip sa drayber niini nga si Amando Abejero, 30, taga Langub, Asturias, ug ang 18 ka pasahero niini.

 Nagrabihan  ang 12 ka pasaherong sila si Jennifer Montebon, 38; Joseph Montebon, 44; Maribel Himpisaw, 13; Sunshine Bantilan, taga Poblacion, Asturias; Debbie Mae Jayme, 25, iyang igsuon nga si Elmarie Jayme, 35 ug ilang inahan nga si Elpidia Jayme, 68, taga Langub, Asturias; Rachie Aligato, 22; Jonriel Aligato, 8; taga Pondol, Balamban; Elvisa Pilapil, 48, Owak, Asturias, ug ang president sa Parish Pastoral Council sa Asturias nga si Dr. Conrado Vitug.

Samtang minor injuries lang ang naangkon nila ni Godofredo Quilaton, 62, taga Basak, Mandaue City; Mario Solosod, Siquijor; Sheila Mae Yanong, Langub, Asturias; Joseph Torion, 43, Poblacion, Asturias; usa ka lalaki nga nailhan lang sa ngalan nga “Pio” ug si Christian Duke Templado, taga Moalboal nga padulong unta motambong og kasal.

Daling gidala sa Cebu Provincial Hospital sa Balamban ang mga biktima apan ang uban kanila gibalhin sa mga tambalanan sa dakbayan sa Sugbo tungod sa grabing kadaot nga naangkon nila sa ilang lawas. (BANAT NEWS)