Mga kawani sa Toledo may bonus

CEBU, Philippines - Makadawat sa ilang tag P20 mil nga Christmas bonus ang mga kawani sa Toledo City Hall.

Kini human aprobahi sa konseho sa dakbayan ang supplemental budget nga giduso ni Mayor John Henry Osmeña. Si Konsehal Helen Jill Espinosa ang nangamahan sa ordinansahon nga nag-aprobar sa paghatag og Productivity Enhancement Incentive (PEI) sa mga kawani. Lakip sa madawat ang rice subsidy nga tag P1,500 matag buwan sukad sa buwan sa Enero hangtod Disyembre, medical cash allowance nga P1,500 ug laundry allowance nga P500.

Gawas sa mga regular nga empleyado gikatakda usab nga makadawat og bonus ang mga casual nga kawani sa kantidad nga P5 mil. (BANAT NEWS)