Motor gidaro sa trak

CEBU, Philippines – Patay ang usa ka drayber sa motorsiklo human napasok ilawom sa usa ka dump truck nga puno sa balas  diha sa Barangay Lanas, dakbayan sa Naga.

Ang biktima naila nga si Joseph Chavez, 29, taga West Poblacion Naga City, samtang ang drayber sa Isuzu dump truck nga nakadasmag kaniya mao si Randy Paran, 26, taga Cantabaco, dakbayan sa Toledo.

Matud pa ni Police Officer 3 James Cañete, ang imbestigador sa traffic police sa Naga City Police nga nahinabi sa Banat News, gikan sa dakbayan sa Toledo ang dump truck nga nagkarga og balas paingon sa dakbayan sa Naga. Apan pag-abot sa barangay Lanas natang-tang ang “rod” sa manobela ug wa na makontrol padung sa pikas lane ug napasok si Chavez

Sigun pa ni Cañete nga pito ka metros nga naguyod ang motorsiklo  hinungdan nga naputol ang tuo nga tiil sa biktima. – /EIM) (BANAT NEWS)