Nakontrobersiyang dept. head ipatawag
CEBU, Philippines - Ipatawag na sa committee on discipline and investigation (CODI) ang usa ka department head sa Kapitolyo kansang hulagway nagpakita nga may kagakos nga babayeng minyo nga gi-post sa social networking site. Si Atty. Orvi Ortega, provincial legal officer nagkanayon nga gimandoan na sila ni provincial administrator Atty. Mark Tolentino nga nagmando sa pormal nga imbestigasyon bahin sa department head.
Isip “due process of law” ang nahisgutang department head nga nalambigit sa isyu ipatawag kini sa CODI aron makatambong sa ilang meeting sa umaabot Miyerkules aron usab kini makapadayag sa iyang habig.
Dugang niini, ug kung mapamatud-an nga dunay kalapasang nahimo ang maong department head ang silot niini ipasubay sa Civil Service Law. (Brenda D. Batuto/EIM)(BANAT NEWS)
- Latest
