Farm-to-market road madayon
CEBU, Philippines - Malaumon ang Department of Agriculture nga madayon ang farm-to-market roads sa amihanang bahin sa probinsiya sa Sugbo.
Matud ni DA-7 Regional Director Angel Enriquez nga hapit na mahuman ang feasibility study sa proyekto ug positibo siya’ng kini maaprobahan.
Karong Disyembre 30 ang deadline sa project proposal review apan matud ni Enriquez nga mangayo sila og lugway sa nasudnong kagamhanan.
Si Provincial Agriculturist Roldan Saragena nibutyag nga ang nasudnong kagamhanan mangutang og P500 milyones sa World Bank (WB) alang sa proyekto.
Ang kagamhanan sa probinsiya mohatag usab og tugbang nga 10 porsiyento o P50 milyones.
Usa sa rekisitos nga gipangayo sa WB ang loan mao ang feasibility study.
Tulo ka feasibility studies ang gipahigayun sa probinsiya niadto pa’ng buwan sa Abril. Ang feasibility study ipresentar ngadto sa Regional Project Advisory Board (RPAB) nga ubos sa DA. Moabot og 20 kilometros ang gitas-on sa farm-to-market road projects ang ugmaron sa dakbayan sa Bogo, San Remigio ug Daanbantayan. (BANAT NEWS)
- Latest
