Gikan nag-night swimming gitulis

CEBU, Philippines - Duha ka babaye ug duha ka lalaki nga gikang nag-night swimming sa beach resort gitulis sa armadong mga lalaki nga nagsakay og motorsiklo didto sa Barangay Poblacion, Liloan lapas sa tungang gabii kaniadto’ng Miyerkules.

Ang gitulis mao sila si Bianca Catingob, 18, Christian Adalong, 18, ug Jomarie Sanchez, pulos taga Barangay Pitogo, Consolacion ug Jilian Dico, 18, taga Barangay Cogon, Cordova.

Si PO3 Michael Magallon sa Liloan Police Station miingon nga padulong na pauli ang mga biktima ug nag-atang kini og kasakyan daplin sa karsada diha nga gihunongan sila og duha ka tawo nga nagsakay’g             motor.

Ang backrider nga armado og kalibre 45 nga pistola mition kanila’g armas ug gipanguha ang ilang mga cellphone ug kuwarta nga moabot og P3,000 dayon mipabulhot sa pagpadagan pahilayo sa maong lugar.  (BANAT NEWS)