Dolphin nakuha sa pukot

CEBU, Philippines – Usa ka dolphin ang napalgang patay human masangit sa pukot didto sa gamay’ng isla sa Caubian sakop sa Olango, dakbayan sa Lapu-Lapu kagahapon sa kadlawon.

Matud ni Coastal Law enforcer Andy Berame nga si Jackson Macbangon nga maoy barangay kapitan sa Caubian maoy midala sa patay’ng dolphin didto sa buhatan ni Orlando Leyson sa City Fisheries and Aquatic Resources Management Council aron masusi kun unsa kini nga matang sa dolphin. Sumala pa ni Berame nga usa ka spinner dolphin ug usa ka threatened specie ang mao nga mammal nga adunay mga 60 ka kilo ang gibug-aton ug dul-an sa duha ka metro ang gitas-on.

Matud ni Berame nga wala mailhi’ng mangingisda ang nakakita sa dolphin dayon gi-report kini ngadto sa kapitan. – /RUB) (BANAT NEWS)