Pusher sa T. Padilla sikop

CEBU, Philippines – Gisikop sa Pari-an Police Station ang 52-anyos nga lalaki nga giingong level 2 drug pusher sa sitio Villa, T. Padilla, dakbayan sa Sugbo alas 7 sa buntag kagahapon.

Ang suspek naila nga si Reul Cabrera kinsa giingong taudtaud na nga gipaubos sa surveillance sa kapolisan.

Matud ni Chief Insp. Ryan Devaras, hepe sa Parian Police, nga halos tulo ka semana nga ilang gipaubos sa pag-monitor ang suspek hangtud sila nikuha og search warrant sa korte.

Wala kaikyas ang suspek atol sa operasyon ug nakuha sa kapolisan ang 20 ka gagmay nga pakete sa gituohang drugas.

Sagad sa mga kostumer ni Cabrera mga estudyante ug mga trabahante sa maong lugar. – /GMR) (BANAT NEWS)