Mr. Barangay

 CEBU, Philippines – “Sir Jun sa amo diri sa sitio Laguna kay ngitngit kaayo dugay na nga way suga among mga opisyal wala man magtagad sa among reklamo kay giuna nila ang ilang suroy inay ang problema sa mga nagbotar nila.”

Brgy Poblacion, Danao City

“Ako lang ireklamo ning mga traysikad drivers diri sir Jun kay bastos kaayo ang uban way respeto ngadto sa mga senior citizens uban maghukas mag-drive unya baho ra ba kaayo’g lawas usahay ang uban hubog mag-drive.”

Brgy Lahug, Cebu City

“Sa sitio Camagong mura’g gipasagdan na man lang ning problema sa ilegal nga drugas daghan na man kaayo namaligya’g shabu apil na ning magtiayon diri nga maoy nagpasiugda sa suyopanan wala gyud ni dakpa daghan man unta mga polis nagpuyo diri.”

Brgy T Padilla, Cebu City

“Naa unta koy hangyo sa mga opisyales diri sa among barangay nga ilang awhagon ang nanag-iya og mga internet cafe nga mopatuman og curfew kay daghan mga bata ang magbuntagay luoy ang mga ginikanan kay dili na ka eskwela ang uban.”

Brgy Poblacion, Argao, Cebu

“Palihog intawon mi’g padakop aning mga mamaligyaay og shabu diri sa may parkingan kay naay tawo diri nga namaligya nga kunohay namasahero pero namaligya diay ilegal nga drugas.”

Brgy Tabok, Danao City

“Sir diri sa Camaligbato wala man gyud dakpa ning nagpasiugdag sugal sama sa hantak ug baraha unya naa pa gyud siya’y suyopanan wala gyud magpakabana ang naa sa katungdanan labi na sa mga polis.”

Brgy Das (Lutopan), Toledo City

“Hangyo lang unta ko Sir nga madakpan na ning namaligya’g shabu labi na diri sa APID kay hasta 9 anyos giapil na sa pagbaligya unya ang suhol kay pasuyopon na’g shabu.”

Brgy Mabini, Cebu City

“Sir magpatabang unta mi nga masulbad ning problema sa ilegal nga drugas daghan na man kaayo ang nangaadik diri ari ni sila magsuyop sa balay sa among silingan hasta ako maguwang naadik na sad.”

Brgy Talamban, Cebu City

“Napuno na sa libaong ang karsada labi na diri sa sitio Cadahoan puwerte luoya sa mga estudyante kay maglisod gyud labi na kun mag uwan kay maglakaw ra man tawon ni sila padung sa eskwelahan.”

Brgy Lorega-San Miguel, Cebu City

“Mag-usa ka tuig na lang human sa sunog diri sa among lugar pero hangtod karon wala pa gyuy nabutang nga drainage system sa mga sitio Ultimo linya sa tubig naproblema sad gihapon, mga opisyal diri wa magpakabana.”

Brgy Basak, Lapu-Lapu, City

“Palihog intawon mig badlong aning mga tricycle driver kay daghan kaayo magparking bisan kun naay nabutang nga tow away zone mas nakapasamot ni sila sa problema sa trapiko diri.”

Brgy Libertad, Bogo City

“Grabe na man kabaho sa iti sa manok daplin sa karsada wala gyud kabadlong ang mga opisyal sa barangay daghan na kaayo ang naproblema kay nakasingo sa baho.”

Alang sa inyong mga reklamo text lang sa 099716786433z