IEC symbol gilibot sa tirsero distrito

CEBU, Philippines – Gilibot sa tibuok tirsero distrito ang International Eucharistic Congress (IEC) symbol karong semanaha.

Ang maong simbolo mao ang replica sa Magellan’s Cross nga gituyo paglibot sa mga parokya sa probinsya sa Sugbo.

Matud ni Bro. Rafael Mabala, usa sa mga seminarista nga kuyog sa paglibot sa IEC symbol, nga tumong niini mao ang promosyonal nga kalihukan ug spiritual nga katuyuan sa Archdiocese of Cebu.

Gikan sa lungsod sa Tuburan ug Balamban anaa na sa dakbayan sa Toledo ang IEC symbol sa Vicariate of St. John of Sahagun.

Gikatakda sa Disyembre 4 nga dad-on kini sa Matab-ang Parish ug Talavera Parish.

Sa Disyembre 5 adto kini sa Bato Parish, Toledo ug sa Pinamungajan Parish, sa Disyembre 6 dad-on kini sa Aloguinsan Parish dayon sa Barili Parish. Adunay vigil nga ipahigayon matag gabii sa matag simbahan diin maabot ang IEC symbol.

Gikatakda usab nga ilibot kini sa ubang Archdiocese ug Diocese gawas sa Sugbo. – /GMR) (BANAT NEWS)