Vis-Min makasinati’g uwan-uwan

CEBU, Philippines – Usa ka Low Pressure Area nga nag-irog padung sa Davao ang nasigpatan nga magdala og madag-umong kalangitan nga may mga pagbunok sa ulan ang masinati sa pipila ka lugar sa Visayas ug Mindanao sud sa 24-oras.

Ang LPA uwahing nasigpatan 140 kilometros sa silangang bahin sa Davao ug kini magdala og uwan sa maong rehiyon ug mga kasikbit nga lugar. “Caraga, Davao Region and Eastern Visayas will experience cloudy skies with moderate to occasionally heavy rains and thunderstorms, which may cause flashfloods and landslides,” sumala pa alas-5 sa hapon nga weather advisory sa PAGASA. Wa hinuon mopakita ang LPA og mga timailhan nga maporma kining bagyo tungod kay naporma kini duol na kaayo sa kayutaan, apan kun kini mahimong bagyo pangalanan kini og Ruby. Sa pagkakaron, ang maong LPA ug ang salin sa bagyong Queenie nalang ang nakaapektar sa sistema sa panahon sa Pilipinas. (Gikan sa GMAnews.tv/EIM) (BANAT NEWS)