Tulo gitulis

CEBU, Philippines - Dul-an sa P30 mil nga salapi ug butang ang nakuha sa wala mailhing armadong tulisan nga mitulis sa duha ka tawo sa Pung-ol-Sibugay, dakbayan sa Sugbo sa miaging kaadlawon.

Ang mga biktima naila nga sila si Diandy Flores, 26, ug Marie Crisse Flores, 28, molupyo sa sitio Saac I, Buaya, dakbayan sa Lapu-Lapu.

Ang duha samtang sakay sa motor gialihan sa duha ka wala mailhing tulisan ug gitionan og armas.

Ang mga tulisan sakay usab og motor ug armado sa wala matino nga kalibre sa armas.

Nakuha sa mga tulisan ang upat ka cellular phones, bag, karsones ug salapi nga P8 mil ug ang tanan mokabot sa dul-an sa P30 mil samtang ang mga tulisan dali nga mipasutoy sa ilang motor.

Samtang nadakpan sa follow-up operation sa kapolisan ang suspek nga nitulis sa usa ka minor de edad nga tinun-an sa Jugan, Consolacion.

Ang nasikop mao si Junrey Pepito, 24-anyos, nagpuyo sa maong dapit.

Naglakaw sa karsada ang biktima dihang gitionan kini og armas ug mideklarar og  tulis ang suspek ug nakuha ang shoulder bag nga gisudlan sa mahalon nga cellphone ug uban pa nga mahinungdanong butang ug dayon sibat palayo sa maong dapit. (BANAT NEWS)