Balay gilungkab, usa nasakpan
CEBU, Philippines - Dul-an sa P60 mil nga mahalong butang ang nakawat sa usa ka balay sulod sa subdivision sa siyudad sa Bogo niadtong Huwebes sa kadlawon.
Hinuon usa sa mga kawatan ang nasakpan sa akto apan daling naka-eskapo ug nailhan nga si John Ronel Magsico Gesta nga nagpuyo ra sa lugar.
Giila ang biktima nga magtiayun nga sila si Darius Amit Masong, 38-anyos ug Fauziah Cosep Masong, 30-anyos, taga Inday Ading's Subdivision, sa barangay Gairan.
Gipanangtang sa kawatan ang mga jalousy blades sa atubangang bintana sa balay nga mao’y gi-agian pasulod.
Nakuha nga mga butang naglakip sa iPhone nga P18 mil, Sony Ericson Phone nga P10 mil, Nokia N95 Phone nga P20 mil, usa ka Rayban Shade Aviator nga P7 mil, ug usa ka Jaz Tablet nga P4 mil.
Pinaagi sa hot pursuit operation sa kapolisan nga gipahigayon sa sitio Mahayahay, Gairan, nadakpan si Gesta ug kasamtangang nagtingkagol sa prisohan. (Sharmaine Kaye F. Obra, USJ-R Masscom Intern/GMR)(BANAT NEWS)
- Latest
