e-Car sa Mandaue wala na nagamit

CEBU, Philippines - Kasamtangang gihunong ang operasyon sa upat ka electric car (e-Car) sa kagamhanan sa dakbayan sa Mandaue nga nagpasakay og libre sa mga mangompra sa merkado. Matud ni Market Administrator Mosuline Suliva nga naglisud sila pagpalit og reserba nga mga battery alang sa sakyanan. 

Dugang ni Suliva nga mahibalik ang operasyon sa e-Car sa higayun nga makapalit na og bag-ong mga battery.

Magsugod alas 4 sa kaadlawon paghakot og mangomprahay ang e-Car hangtud alas 2 sa hapon sanglit mahurot na ang battery. 

Ang pag-charge sa battery molungtad og walo ka oras hinungdan nga ang gihimo sa bag-o pa ang mga sakyanan mao ang pagpuli-puli og biyahe aron wala’y hunong ang libreng sakay nga serbisyo. (BANAT NEWS)