Cops killers, hitman sa drug pusher
CEBU, Philippines - Duna na’y pangalan ang kapulisan sa duha ka mga suspetsado nga mipatay sa duha ka mga polis sa lungsod sa Moalboal atol sa gihimo nila nga drug raid operation didto sa Barangay Tomonoy.
Ang hepe sa Regional Intelligence Division (RID) nga si Senior Superintendent Pablo “Paul” Labra II mibutyag nga nia pa dinhi sa Sugbo ang duha.
Matud pa niya nalambigit ang duha sa mga pagpamusil kaniadto kay sila maoy “hitmen” sa drug pushers sa maong lungsod, apan dili pa nila mabutyag ilang mga pangalan.
Nasayran usab nga wala na mouli sa ilang mga balay ang duha human sa hitabo, apan dako iyang pagtuo nga nagpabugnaw lang ang duha apan wala pa makagawas sa Sugbo.
Sumala pa ni Labra, lahi na karon ang mga drug suspects tungod kay mga armado na ug manukol ug walay kahadlok ug respeto sa balaod.Kagahapong adlawa gipasaka sa kapulisan sa Moalboal ang kaso batok sa nakaikyas nga subject sa search warrant nga si Michael Aquino nga maoy tag-iya sa drug den diin napatay sila si PO3 Fabio Fernandez ug PO1 Alrasid Jimlani. (BANAT NEWS)
- Latest
