P130 mil butang ug salapi nadagit sa kawatan
CEBU, Philippines - Mokabat sa kapin sa P130 mil sa mga kabtangan ug salapi ang nadagit sa wala ilhing kawatan sa managlahing insidente sa pagpangawat sa dakbayan sa Toledo.
Unang insidente sa pagpangawat nahitabo sa Costa Baena usa ka beach resort sa barangay Ibo dakbayan sa Toledo.
Usa ka Richelle dela Calzada, 47, ang nitug-an sa kapulisan nga nawagtang ang pipila ka mga construction equipment sa ilang bodega nga mokabat P95 mil.
Samtang laing nabiktima sa pagpangawat mao si Analyn Remedio, 32, taga barangay Poblacion kansang balay gilungkab sa wala mailhing kawatan.
Sa imbestigasyon gitangtang sa kawatan ang tulo ka blade sa jalousie sa bintana aron makasulod ug gipanguha ang ilang mga cellphones, camera ug P18 mil nga cash.
Padayon pang giimbestigahan sa kapulisan ang maong insidente ug gisusi karon kung konektado ang mga nagsunod nga pagpangawat sa dakbayan. (BANAT NEWS)
- Latest
