Bise Mayor sa Villaba, Leyte gipatay
ORMOC CITY, Philippines – Bise Mayor Claudio "Calaw" Larrazabal sa lungsod sa Villaba, Leyte, gipusil patay sa duha ka lalaki samtang kini naniudto sa sud sa ilang restobar kagahapon.
Usa ka wala mailhing lalaki ang giingong misud sa kan-anan ug mipusil kang Larrazabal makausa ka higayon tumong sa ulo niini, sumala pa nga wala na mobuto ang armas dihang usban pa unta kini pagpusil.
Sumala pa nga nakadagan pa ang bise mayor pagawas ug gisuwayan pa og layog sa ubang mga tawo sud sa kan-anan ang gunman apan nakabuhi kini dihang dunay butobuto sa armas nga ilang nadungog gikan sa gawas. Gituohan nga ang lookout sa gawas maoy mitiwas pagrakrak sa nasamdan na nga si Larrazabal ug nakahigayon usab sila sa pag-ikyas dihang gitabang sa mga tawo ang opisyal.
Daling gidala si Larrazabal luwan sa iyang pickup ngadto sa OSPA-Farmers Medical Center sa Ormoc City apan gideklarar siya nga patay na.
Nabiyaan ni Larrazabal ang kapikas nga si Juliet ug duha ka mga anak nga babaye. – The Freeman/EIM) (BANAT NEWS)
- Latest
