Nagbiseklita gipusil patay

CEBU, Philippines - Patay ang 48-anyos nga lalaki human gipusil samtang nagbiseklita sa sitio Paula Maria, Inawayan, Cebu City kagahapon sa buntag.

Ang biktima naila nga si Tamy Erong, minyo, taga Lower Tabukanal, Pardo ug usa ka electric fan technician. Sa inisyal nga imbestigasyon nasayran nga gisundan ang biktima sa gunman ug gipusil.

Sigun pa sa mga nakakita, human nahagba sa dalan ang biktima, giduol kini ug gi-usban pa sa pagpusil.

Human sa hitabo yano ra kaayo nga nilakaw ang gunman paingon sa sudlonon nga bahin sa lugar.

Igo dapit sa ilok ug sa dughan ang naangkon sa biktima hinungdan nga nakabsan sa iyang kinabuhi. (BANAT NEWS)