CEBU, Philippines - Gibuksan na pagbalik sa Cebu City Traffic Operation Management (CITOM) ang dalan S. Osmeña kagahapon sa buntag.
Gisirad-an ang maong dalan sulod sa pipila ka buwan aron pagsemento nga gitrabaho sa WT Construction ubos sa Department of Public Works and Highways (DPWH).
Si CITOM operation officer Joy Tumulak nagkanayon nga naluag na ang kadalanan ug wala na’y traffic sa mga dalan J. Briones ug J. Luna human sa kapin usa ka buwan nga nagsakripisyo ang mga motorista.
Ang pikas habig na usab ang sirad-an aron masemento ug gitinguha mahuman sa dili pa ang Pasko. (BANAT NEWS)