Graduation fees abagahon sa CH Khacel
CEBU, Philippines - Abagahon sa kagamhanan sa dakbayan sa Sugbo ang bayranan sa mga mogradwar sa pangpublikong elementarya ug sekondarya.
Kini ang tumong sa ordinansahon nga gipangamahan ni Konsehal Margarita Osmeña nga maghatag og subsidy sa graduating fees.
Mokabat sa 15,394 ka tinun-an sa elementarya ug 11,420 sa high school ang mogradwar karong Marso sa dakbayan sa Sugbo.
Ang Department of Education nitugot lang sa pagkolekta og P90 sa elementarya ug P150 sa sekondarya.
Matud ni Danilo Gudelosao, officer-in-charge sa DepEd Cebu City Division, nga ang maintenance and other operating expenses (MOOE) sa tunghaan dili gyud igo igasto sa mga panginahanglan sa graduation.
Kini ang hinungdan nga mapugos ang mga tunghaan sa pagkolekta og graduation fees sa mga ginikanan.
Sugyot ni Osmeña nga himuong uniform ang mga graduation exercises aron uniform usab ang breakdown sa mga gastuhanan. (BANAT NEWS)
- Latest
- Trending
