5 ka negosyante nailad sa post paid plans

CEBU, Philippines - Nabiktima sa usa ka mangingilad nga babaye ang lima ka mga negosyante sa Toledo City Public market sa Barangay Poblacion sa Dakbayan sa Toledo.

Nagpaila ang maong mangingilad nga si Christina Yee gibanabanang anaa sa 31- anyos.

Matud sa mga biktima nga gitanyagan sila sa maong babaye og post paid plans nga cellphone ug pakapin og downpayment nga P500.

Tungod sa maong offer naagni ang mga biktima ug daling mitunol og tag P500 ug nipasalig ang suspek nga mobalik dala na ang mga gadgets.

Apan nilabay na ang pipila ka adlaw wala na mobalik ang maong babaye ug dili na usab makontak ang contact number niini.

Igo na lang sila mipahibalo sa insidente ngadto sa kapolisan. Gisubay pa sa kapolisan ang maong modus. (BANAT NEWS)