DOH-7 padayon sa trabaho

CEBU, Philippines – Nagpabilin ang pagsalig sa mga kawani sa Department of Health-7 sa mga dagku sa ila uluhang buhatan bisan sa kontrobersiya nga giatubang.

Si Dr. Dino Caing sa Regional Epidemiological and Surveillance Unit sa DOH-7 miingon nga malaumon sila nga makalingkawas ra sila si Health Secretary Enrique Ona ug Undersecretary Eric Tayag sa gihimong imbestigasyon.

Ang National Bureau of Investigation ang nipahigayon og imbestigasyon sa pagpamalit sa Pneumococcal Conjugate Vaccine 10 (PCV10) niadtong tuig 2012. Kasamtangang gipaubos sa imbestigasyon sila si Ona ug Tayag human gireklamo sa buhatan sa Presidente human dili PCV13 ang gipalit nga maoy girekomendar sa National Center for Pharmaceutical Access and Management sa Formulary Executive Council ug World Health Organization.

Giingong mas barato kini itandi sa PCV10 ug magamit sab kini dili lang sa mga bata apan lakip na sa mga hamtong.

Niadto pa’ng Hunyo gisugdan sa NBI ang pakisusi kalabot sa pagpalit sa PCV10 human nakadawat og reklamo gikan sa usa ka ahensya ang Malakanyang. – /GMR) (BANAT NEWS)