Duha nakuhaa’g mga armas ug granada
CEBU, Philippines – Duha ang nasikop ug usa ang nakasibat human naaktohan sa kapulisan sa Danao nga nagdala og armas ug misulay pa og sukol diha sa Duterte Street, Barangay Suba sa maong dakbayan.
Ang mga nasikop mao sila si Alvin Beslig, 31, taga Maslog kinsa nakuhaan og usa ka .45 caliber pistol nga dunay pito ka mga bala ug usa ka rifle grenade nga gisulod sa backpack.
Samtang ang laing nasikop mao si Reynaldo Ylanan, 31, taga Maslog nga nakuhaan usab og usa ka .357 revolver, duha ka .22 revolver. Ang duha wala nakapakita og mga papeles sa mga armas.
Si PO2 Jomar Salomon nga nahinabi sa Banat News mitug-an nga dunay mga “record” ang duha diha sa ilang buhatan.Si Bensig ang bag-o pa lang nakapiyansiya sa wala pa matino nga kaso samtang si Ylanan nalambigit na kaniadto sa illegal drugs.
Dako ang pagduda sa kapulisan nga dunay dautang plano ang duha tungod kay pulos sila nagtaptap sa ilang nawong atol sa pagsikop kanila. – /EIM) (BANAT NEWS)
- Latest
