Palma naalarma sa mga tulis

CEBU, Philippines – Apil na nga naalarma si Arsobispo Jose Palma sa sunod-sunod nga mga pagpanulis sa nagkalainlaing establesemento sa Sugbo.

Gikasubo ni Palma ang mga insidente samtang gawasnon pa ang mga responsabli sa krimen.

Matud ni Palma nga dili perpekto ang komunidad nga gipuy-an apan dili rason ang kawad-on sa paghimo sa maong krimen. Kini gumikan kay daghang pamaagi aron mabuhi ug dili kinahanglan mohimo og dautan. Gipadayag ni Palma nga ang matag usa adunay responsibilidad aron makatabang sa mga nagkinahanglan.

Si Cebu City Mayor Michael Rama sa iyang bahin nagkanayon nga dili lang una hukman ang kapolisan sanglit gihimo man nila ang tanan aron magpabilin ang kahapsay ug kalinaw sa dakbayan sa Sugbo. – /GMR) (BANAT NEWS)