Romana: Salingay priso sa Misamis
CEBU, Philippines – Gikompirmar sa direktor sa Cebu City Police Office nga anaa sa prisohan ang gipasanginlan nga suspek sa mga nahitabong tulis dinhi sa dakbayan nga si PO3 Eugene Salingay.
Plano karon sa kapolisan nga estoryahon pagbalik ang mga testigos sa hitabo nga tulis ug unsa sila ka segurado nga si Salingay ang suspek.
Matud ni Senior Supt. Noli Romana nga posibleng kapareho lang sa dagway ni Salingay ang mga suspek nga gitawag og human error ang pagtumbok sa suspek. Apan si Romana mitug-an nga magpadayon ang ilang imbestigasyon sa kalambigitan ni Salingay sa mga nahitabong tulis bisan kini nabilanggo na sa maong mga panahon.
“Kung magkatugma man ang fingerprints niya sa crime scene kahit siya ay nakapiit na, ibang usapan na yan,”sigun pa ni Romana.
Hinuon usa sa gipaneguro ni Romana ang usa ka Michael Baldemesa nga suspek sa mga pagpanulis nga padayon pa nga gipangita sa kapolisan.
Nasayran nga si Salingay nabilanggo sa Misamis Occidental Provincial Reformatory Jail (MOPRJ) atol sa mga tulis sa dakbayan sa Sugbo diin siya ang gitumbok nga suspek. – /GMR) (BANAT NEWS)
- Latest
