Suroy bus ipagamit sa Pasko
CEBU, Philippines – Subling ipagamit sa Kapitolyo ang mga Suroy-Suroy Sugbo bus karong Pasko ug Bag-ong Tuig.
Kini human nakatabang ang walo ka bus sa paghakot sa nagdasok nga mga pasahero sa niaging kalag-kalag.
Matud ni Jone Sepe, kasamtangang hepe sa Provincial General Services Office (PGSO), nga tinguha nila nga dugangan og walo ka yunit ang pabiyahion atol sa holiday season.
Ang Kapitolyo ang nigasto sa gasolina sa mga bus ug niabaga sa honorarium sa mga drayber sa tag P500 matag usa.
Wala’y natala nga dagkung kakulian sa Cebu South Bus Terminal atol sa pagdagsa sa daghang tawo niadtong Huwebes hangtud na niadtong Sabado gawas lang sa kakuwang sa mga bus nga kasakyan.
Gipahibawo ni Sepe nga ila na usab ayuhon ang air-conditioned system sa Cebu South Bus Terminal ug ang lubak-lubak nga bahin sa terminal karong Disyembre. – /GMR) (BANAT NEWS)
- Latest
