Lalaki gipusil, bata naigo
CEBU, Philippines – Singko anyos nga bata ang naigo dihang ang target nga usa ka lalaki ang abtik nakalikay sa pagpamusil sa iyang silingan sa sitio Kulo, San Roque, barangay Sambag II, dakbayan sa Sugbo sa niaging gabii.
Ang bata giila nga si Raichel Velasco.
Nasayran sa kapolisan nga ang target sa pagpamusil mao si Lorenzo Ayala, construction worker ug nagpuyo ra sa maong lugar.
Sigun pa sa mga nakakita sa hitabo nga ang gunman nagsuot og maong nga jacket ug armado og usa ka pistola ug kalit lang mipusil ni Ayala apan wala naigo ug didto miigo ang bala sa bukton sa singko anyos nga bata. Daling gidala sa Vicente Sotto Memorial Medical Center (VSMMC) ang bata nga luwas na sa delikadong kahimtang samtang dali sab nga misibat ang gunman ug apil sab nga wala na makita sa kapolisan si Ayala pag-abot nila sa lugar. – /GMR) (BANAT NEWS)
- Latest
