Balay gironda, suspek nakaeskapo
CEBU, Philippines – Nakaeskapo ang usa ka gikatahapang pusher atol sa ronda nga gihimo sa kapolisan sa panimalay sa suspek sa sitio Suba, Poblacion, Liloan diin nasakmit ang pinaketeng shabu ug mga drug paraphernalia.
Ang nakaeskapo nailhan nga si Joshua Aguipo, hingkod ang panuigon samtang nasakmit sa kapolisan ang dakung pakete sa shabu ug 19 ka gagmay nga pakete, mga tinfoil ug uban pa. Ang hepe nga si Senior Inspector Ramil Morpos ang nangulo sa pagpangronda pinasikad sa search warrant nga giisyu sa korte.
Si SPO1 Bryan Batiquen miingon nga nakamatikod ang suspek sa paghidangat sa kapolisan hinungdan nga dali kining midagan agi sa luyo’ng pultahan.
Matud ni Batiquen nga bisan sa pag-eskapo sa suspek, ila gihapon pasakaan og kaso base sa mga ebidensiya nga ilang nasakmit gikan sa sulod sa panimalay niini. (BANAT NEWS)
- Latest
