Briton naugbok patay
CEBU, Philippines – Maayong pagkaugbok sa ulo sa usa ka Briton human matagak sa Mahiga Creek, sa Barangay Apas sa dakbayan sa Sugbo.
Ang namatay naila nga si Jonathan Paul Harris, wala pa matino kung asa kini nagpuyo sa dakbayan, apan giingong usa kini ka Briton.
Si Police Officer 1 Michael Angelo Singson sa Homicide Section miingon nga usa ka batang amang ang nakakita sa lawas ni Harris sa dihang mangihi unta siya sa sayong buntag. Matud pa sa mga residente, hubog kaayo ang maong langyaw ug posibli nga gikan kini sa usa ka mall.
Nasuta nga nabuak ang bagol-bagol sa maong langyaw ug dako kaayo ang samad niini sa iyang agtang ug patay na dihang naabtan sa mga sakop sa Emergency Rescue Unit Foundation (ERUF). Wa hinuon magtuo ang kapolisan og foul play sa kamatayon sa Briton apan gituohan nga natagak kini gikan sa taytayan. Ang kapolisan mipahibalo na sa embahada sa Britanya bahin sa nahitabo ni Harris. (BANAT NEWS)
- Latest
