Trafficking hugot gi-monitor

CEBU, Philippines - Wala’y kompiyansa ang Inter Agency Council Against Trafficking in Persons batok illegal recruiters ug uban pa’ng matang sa trafficking panahon sa pagdasok sa mga pasahero sa mga terminals.

Gihugtan sa IACAT sa pag-monitor pinaagi sa ilang mga help desk centers ang mga pasahero nga kadudahan ang lihok.

Matud sa technical assistant sa IACAT sa Cebu South Bus Terminal, Aitie Insong, nga gawas sa mga langyaw nga mangbiktima og mga menor de edad ug mga babaye alang sa prostitusyon, gibantayan usab nila ang mga illegal recruiters nga motanyag og trabaho.

Pahimangno sa grupo ngadto sa publiko nga magmabinantayon sa mga tawo nga dunay dautang plano aron dili mabiktima sa human trafficking.

Dunay mga polis nga moabag sa IACAT sa ilang pag-monitor sa mga terminal, pantalan ug tugpahanan.(Decemay P. Padilla/GMR)(BANAT NEWS)