IEC symbol gisuroy sa parokya
CEBU, Philippines - Gisugdan na paglibot sa mga simbahan sa Sugbo ang napiling simbolo alang sa 51st International Eucharistic Congress karong 2016.
Ang Magellan’s Cross nga gihimong simbolo sa 51st IEC unang gibutang sa Metropolitan Cebu Cathedral niadtong petsa 25 hangtud kagahapon sa hapon ug gidala kini ngadto sa lungsod sa Liloan.
Si Mons. Ruben Labajo sa iyang wali atol sa misa nanghinaut nga ang paglibot sa simbolo makapadasig sa katawhan sa pag-ampo alang sa umaabot nga IEC.
Ang simbolo gitakdang ilibot sa tanang parokya sa tibuok Sugbo ug sa petsa 10 sa Enero sunod tuig ibalik na sa Cathedral.
Sa petsa 25 sa Enero sunod tuig sugdan ang paglibot sa tibuok nasud ug sa Nob. 2015 ibalik sa Sugbo alang na sa pagpahigayon sa 51st IEC.
Dili mominus sa 85 ka mga archdioceses ang libuton sa maong simbolo alang sa kalibutanong kalihukan sa Simbahang Katoliko nga ipahigayon sa Sugbo. (BANAT NEWS)
- Latest
