Target sa ronda nakasibat, tulo nasikop

CEBU, Philippines – Sikop sa kapolisan ang tulo ka lalaki apan nakaikyas ang target  nga notadong tigpahuyot og ilegal nga drugas sa sitio Bamboo Groove, Basak-San Nicolas, dakbayan sa Sugbo alas 8:30 sa niaging gabii.

Ang nakaeskapo naila nga si Fermo Cantal, hingkod ug nagpuyo sa maong lugar samtang ang mga nasikop mao sila si Randy Ceniza nga nakuhaan og tinfoil, Giovanni Gabor nga nakuhaan og disposable lighter ug tooter ug si Jeffrey Cantal, nga nakuhaan og tulo ka pakete sa gituohang drugas.

Ang hepe sa Mambaling Police Station, Sr. Insp. Gerald Suquib ang nangulo sa pagpangronda.

Apan sumala pa nga nagpaingon pa lang ang kapolisan sa maong lugar dali nga nakabantay si Fermo ug dali kining nakasibat. Narekober ang 24 ka gagmay nga pakete sa drugas, pito ka disposable lighters ug ubay-ubay nga mga tinfoil.  – /GMR) (BANAT NEWS)