CITOM may static display sa CH

CEBU, Philippines - Ang Cebu City Traffic Operations Management (CITOM) magsaulog sa ilang ika-27 ka tuig nga kasumaran karong adlawa ug duna silay ibutang nga ‘static display’ nga magpakita sa ilang kasaysayan diha sa Legislative building sa Cebu City Hall.

Ilang i-display ang mga hulagway kabahin sa ilang trabaho, serbisyo, mga naunang chairman, mga uniporme, ug uban pa mahitungod sa CITOM.

Buot sa CITOM nga makita sa publiko ang kasaysayan, kontribusyon, ug uban pang nahimo sa ilang buhatan sud sa 27 ka tuig. Si Rafael Yap, executive director sa CITOM miingon nga angay hinumdoman sa publiko nga dili lang sila sa pagpanakop maayo kun dili, dako sila og papel paghapsay sa dagan sa trapiko sa siyudad.

Usa sa plano karon sa CITOM ang pagmuntar og mga info-graphics nga mogiya sa mga motorista kung unsa ang traffic laws. - /EIM (BANAT NEWS)