5 ka baboy ang nalugos

CEBU, Philippines - Dili lang diay usa kun dili moabot na diay sa lima ka mga baboy ang gikatahong gilugos sa pareho gihapong suspek sa pagpanglugos og baboy sayo ning semanaha sa Barangay Piyo sa lungsod sa Tabogon.

Kini ang nakuha nga impormasyon sa Banat News gikan sa usa sa mga residente sa maong lugar nga nagpatago lang sa pangalan. Sigun pa sa impormante sa Banat News nga ilado na sa iyang lugar ang mao’ng lalaki nga usa diay ka dakong minyo. Sumala pa nga moandar lang ang pagkahigal niini kun makainom ug mahubog.

“Ambot kaha nganong baboy iyang gusto,” sigun pa sa impormante sa Banat News.

Gidugang pa sa impormante nga sa lima ka baboy nga nahilabtan sa maong lalaki, ang  usa niini namatay.

Dunay gitug-an nga pangalan ang maong impormante apan kini gipugngan lang sa Banat News.  Sigun pa sa maong impormante nga nangahadlok na ang uban nga nagbuhi og baboy sa ilang lugar kay basin kuno og ang ila na ‘sab mga baboy ang sunod nga kamangon ug pahimuslan sa maong lalaki.

Apan si SPO4 Jonalito Saladaga sa Tabogon Police nga nahinabi sa Banat News kini mitug-an nga wala pa gayod sila nakadawat og reklamo sa ilang buhatan may labot sa nangaging mga hitabo.

“Kapin 20 ka tuig na ko diri sir, wala ma’y ingon ana nga na-report diri”, sigun pa ni Saladaga.

Hinoon gipasabot ni Saladaga nga basin og naulaw lang moreklamo ang mga nabiktima sa maong lugar ug kay baboy ra man ang gipahimuslan, wala lang ‘sab nila kini panumbalinga.

“Pagka baliw na man g’yud ana, basin dili lang moreklamo ang mga tag- iya,” dugang pa ni Saladaga.

Sayo ning semanaha, usa ka buros nga anay ang gikatahong gipahimuslan sa usa ka lalaki sulod sa tangkal niini apan misibat kay naiwagan og suga sa tag-iya. Apan nabilin niini ang iyang tsinelas nga gi-post dayon sa Facebook.

Sa wala pa kini mahitabo, laing lalaki ang nasakpan sa akto nga milugos usab sa usa ka iro sa dakbayan sa Mandaue. Napriso ang lalaki apan gibuhian kay naluoy ang tag-iya sa iro. (BANAT NEWS)