Lalaki gipatay sa manghod sa silingan kaaway

CEBU, Philippines - Patay ang usa ka lalaki nga gipusil sa manghod sa gikaaway niyang silingan sa Dasco Road, Barangay Paknaan, Dakbayan sa Mandaue kagahapon sa buntag.

Si SPO1 Gregorio Cabizares  sa kapolisan sa Presinto 3 sa Mandaue City Police Office (MCPO) miila sa namatay nga mao si Jesson Ratay, 24, samtang ang suspetsado mao si Alberto  Calderon, 19. Matud pa ni Cabizares nga ang maguwang sa suspetsado maoy unang gikalalis sa biktima sa gawas sa ilang panimalay, apan kalit migawas ang suspek ug diretsong gipusil ang biktima sa bukobuko. Ang biktima daling gidala sa tambalanan apan gideklarar kining patay na, samtang ang suspek mitahan sa Presinto 3. Gisusi pa kung unsay motibo sa iyang pagpamusil. (BANAT NEWS)