Desperado sa gugma naghikog

CEBU, Philippines - Patay na nga nakit-an sa iyang igsuon ang 34-anyos nga lalaki human kini naghikog gamit ang electrical wire sulod sa iyang panimalay sa may dalan Junquera, Kalubihan, dakbayan sa Sugbo niadtong Martes sa gabii. Ang nagpakamatay naila nga si Franz Joseph Albite, ulitawo, wala’y trabaho.

Si Warren ang una’ng nakabantay nga nagbitay na ang iyang igsuon.

Matud ni SPO4 Rey Cuyos sa homicide section sa Cebu City Police Office  sa nakuha nila nga impormasyon, gugma ang nagtukmod ni Albite nga magpakamatay.

Dunay report nga nakuha ang kapolisan nga posibleng desperado sa gugma ug uban pa nga hinungdan sa pagbati ang nagtukmod niini nga maghikog patay. (BANAT NEWS)