WTG nakakuha sa Phase I sa CCMC

CEBU, Philippines - Nakuha sa WTG Construction ang Phase I sa pagpatukod sa Cebu City Medical Center (CCMC) ug posibleng masugdan na sunod buwan. Si Joey Daluz, vice-chairman sa Bids and Awards Committee (BAC), nibutyag nga mokabat sa P314 milyones ang budget alang sa phase I sa CCMC ug ang siyudad makadaginot og P40 milyones tungod kay ubos ang presyo sa WTG Construction.

“They bid at P274 million, so therefore P40 million was saved by Cebu City but we are not really after the savings we want the quality work not only the savings, we are happy that there is a savings but we want also to see if they are eligible and qualified and financially capable to do the project,” matud ni Daluz. Si Daluz nipasabot nga dunay tulo ka steps ang himuon aron ma-award ngadto sa winning bidder ang proyekto. Una mao nga ang winning bidder ideklarar nga lowest bidder, sunod ideklarar kini nga Lowest Calculated Bid (LCB) ug ang ikatulo mao nga ideklarar kining Lowest Calculated and Responsive Bid (LCRB).

Matud ni Daluz nga kung ideklarar sa Technical Working Group nga ang winning bidder nakapasar sa nahisgutang tulo ka steps, irekomendar dayon nila ngadto sa mayor nga i-award ang proyekto sa nahisgutang bidder. (BANAT NEWS)