Merkado sa Mandaue sugdan ning tuiga

CEBU, Philippines – Gitinguha nga masugdan na sa dili pa matapos ning tuiga ang pagpatukod pagbalik sa merkado publiko sa dakbayan sa Mandaue sa karaan nga nahimutangan niini sa barangay Centro.

Samtang sunod tuig usab gitinguha nga mapaayo na ang nagubang merkado gumikan sa 7.2 magnitude nga gikusgon sa linog usa na ka tuig ang nakalabay.

Plano sa kagamhanan sa dakbayan nga himuong investment promotion center pinaagi sa public-private partnership (PPP) ang naguba nga merkado.

Matud ni Mayor Jonas Cortes nga aduna na’y pipila ka mga investors ang nipadayag og interest sa lugar.

Samtang nakita sa mayor nga mas accessible ang luna sa karaang merkado itandi sa merkado nga nahimutang likod sa Mandaue City Sports Complex.

Matud ni Cortes nga moluag ang dagan sa trapiko sa lugar kun ang pangpublikong merkado ibalik sa karaang lugar. – /GMR) (BANAT NEWS)