Mag-uuma naghikog sa Dalaguete
CEBU, Philippines – Patay na nga nakaplagan ang usa ka lalaki nga naghikog pinaagi sa paghigot og pisi sa iyang liog kaniadto’ng Biyernes sa udto didto sa Sitio Private, Barangay Mantalongon, Dalaguete.
Ang giingon nga naghikog mao si Jason Cabuncag, 24, molupyo sa nahisgotan nga lugar. Ang ig-agaw sa biktima nga si Gil Cabuncag nakalitan na lang nga napalgan niya nga nagbitay na sa pisi si Jason sulod sa iyang balay.
Dali unta nga gitabang ni Gil si Jason pinaagi sa pagputol sa pisi nga gihigot niini sa iyang liog ug gisuwayan kini sa pagluwas apan wala na gayud magsilbi ang paninguha.
Ang kapolisan nga miresponde sa dapit nahitaboan walay nakita nga tilimad-on nga may laing tawo nga nalambigit sa kamatayon ni Jason.
Matud pa nga duha ka oras sa wala pa makit-i ang patay’ng lawas ni Jason may nakasigpat nga masulob-on ang lalaki. Ang iyang iyaan mitug-an nga adunay problema ang iyang pag-umangkon apan wala motug-an kun unsa. – /RUB) (BANAT NEWS)
- Latest
