Demolisyon wala’y TRO
CEBU, Philippines - Napakyas ang mga residente sa sitio Mahayag ug Mahusay sa Subangdaku, dakbayan sa Mandaue sa pagkuha og temporary restraining order (TRO) sa korte aron ipahunong ang demolisyon.
Atol sa hearing sa gisang-at nga injunction sa korte, si Judge Teresita Galanida mipahinumdum sa abogado sa mga residente nga si Atty. Aquilino Felicitas labot sa mga rekisitos nga gikinahanglan una maka-isyu og TRO.
Matud ni Galanida ngadto kang Felicitas nga niadtong Hulyo 11, gibutyag sa abogado nga ang luna nga gitukuran sa mga pinuy-anan sa mga residente usa ka public land ug gideklarar nga alienable ug disposable land.
Apan ang abogado wala makapresentar sa korte sa mga rekisitos nga gipangayo sa huwes.
Si Ester Diaz, usa sa mga apektadong residente, mibutyag nga bisan wala sila mahatagi og TRO, magpadayon ang ilang pagpakigbisog sa ilang katungod.
Miinsister ang mga residente nga wala masulod sa 3-meter easement ang ilang panimalay apan apil sa giguba. (Decemay P. Padilla/GMR)(BANAT NEWS)
- Latest
